由第一部相機講起

踏入動盪但精彩的2006年前，回顧一下先：

1. 小學一直用Konica Big Mini。
2. 初中時玩老爸的Canon New F-1及FTb。
3. 到中六時終於儲夠錢買自己的相機, 第一部係Nikon F90X。
4. 然後建立Nikon System，F4，FM2，F5。
5. 到大學時貪得意想試下咩叫蔡司，買部Contax Aria。
6. 之後正常地中毒。賣晒Nikon換Contax S2，RX，RTSII。
7. 之後又發現有個更正的牌子叫Leica，結果買了M6 TTL。
8. 之後又很正常地中毒，賣晒Contax換Leica鏡。
9. 後來發現RF有一定限制，要加一套SLR，今次試左Canon EOS 3。
10. 發現質素難以接受，本案想換Minolta試試，話晒都同Leica合作過，點知剛巧Contax出N1，結果又用番Contax。
11. 跟住認識左Contax Club班損友，但原來佢地掛羊頭賣狗肉，攪到買了Hasselblad。
12. 最近Contax停產，為將來有DSLR用，賣晒Contax再次換Nikon，起碼現時Nikon有最強的菲林機－F6，但點都估唔到今天會有ZF鏡頭的出現。
13. 今天我可以總括，我最喜歡的System係Leica M，最不喜歡的System係Canon EOS。
14. 待2006年繼續敗家．．．．．．

任天堂的Revolution

任天堂是 因為變得太快才搞成今時今日的局面，好似Virtual Boy和N64，玩過Virtual Boy的Tennis，您會發現它的立體感到PlayStation 3都提供唔到；而N64的Mario 64和Zelda到現在都係40分滿分的世紀勁作。我認為是Game Cube延遲推出才會令Playstation 2有機會發圍，不過任天堂從來冇忘記玩具的真正意義，它很多遊戲都不用玩家看說明書就識玩，它不像Sony只會在現有的市場上用廣告去嬴取佔有率，NDS 成功開拓了少女甚至老年人玩家的市場，Sony PSP一個顯示器賣HK$1,780，NDS兩個顯示器仲有Touch Screen只賣HK$950，PSP用光碟媒體破壞遊戲連貫性的問題仍然存在，而且沒有一隻襟玩的遊戲，現在好多人只係用PSP來睇片播MP3，根本不 是一部遊戲機。NDS今年已經嬴左PSP，好期待明年睇任天堂Revolution怎樣徹底打敗Sony PlayStation 3！

King Kong

好長好悶，如果十幾年前冇睇過Jurassic Park，可能會有些少驚喜。

ZM Lenses

開始反思點解要買MP，無錯，工藝頂級、設計頂級、操控頂級，但價格亦都係頂級，要建立一個兩個機身配五支鏡頭的系統需要超過十萬元，睇怕要考慮ZM或VM鏡了。

FM3A

昨 天本來想帶部新MP去迪士尼，但想了又想在樂園到處跑，相機袋又可能要隨處放，話晒都係新買始終唔捨得，所以只帶了FM3A及兩支鏡頭出發，其實主要去 玩，所以沒有影好多相，但發現FM3A的機動力的確不錯，帶兩部FM3A比帶一部F3實際，整體亦比MP輕便許多，大光圈Zoom鏡進可攻，退可守，影巡 遊表演及劇場演出都好靈活，如果配備MD-12 Motor Drive一定如虎添翼，更加不用忍受M Motor猛烈的騎馬動作。

Hong Kong Disneyland

公 司攪抽獎，一向沒有抽獎運的我竟然中獎，禮物是迪士尼樂園門票兩張加爆谷及汽水贈券各一張。全世界的迪士尼都去過，唯獨是香港的一直沒有機會去，可能因 為在附近不著急吧。整體氣氛好歡樂，但欠缺了日本的秩序、美國的和諧和法國的熱情，估不到入場檢查隨身物品時會這麼嚴謹，手袋裡每個間隔都被搜得一清二 楚，破壞了玩樂氣氛。樂園內大部份遊戲以前都玩過，沒有特別的新鮮感，玩Buzz Lightyear Astro Blasters仍然取不到100,000分，不能升級到L-4；今次只是玩了兩次Space Mountain，果然係迪士尼的殿堂級遊戲，我很喜歡它的背景音樂；都唔知點解The Many Adventures of Winnie the Pooh要排成個鐘先有得玩，可能今期Winnie the Pooh比較紅，好彩有Fastpass；每次玩完Mad Hatter Tea Cups都想嘔，今次特意空肚去玩，感覺冇咁難受；Jungle River Cruise的導遊很攪笑，但指南上註明是驚嚇項目；如果要講驚嚇，Mickey's PhilharMagic的濕身演出就更加驚嚇；原來The Golden Mickeys at Disney's Storybook Theater台下的兩部Cameras是真的！雖然免費入場，但在樂園中飲飲食食，買買記念品都花了幾百元。為了增加聖誕節日氣氛，晚上增加了聖誕樹亮 燈 儀式及人造飄雪，很美妙。

按此觀看迪士尼樂園照片

如果‧愛

成為百老匯電影中心會員後，迫自己睇多幾套戲，今日就去apm睇如果‧愛，不談故事情節及人物角色，淨係鏡頭構圖及舞台配樂已經值回票價，推薦！

稅務貸款

終於忍不住買了MP，仲要加多部FM3A，唔係出雙糧，又唔知有冇花紅出，已經冇錢交稅，但敗家DNA冇得救，如果大家知道邊間稅務貸款最優惠，記得通知聲。

繼續放假

繼續放假，繼續無聊．．．．．．

放假

每年都唔得閒放年假，所以年年到十二月都要清假，所以今日就放假，在家無聊。

有點感冒

一如以往，每次出差回來總會有點感冒，可能因為晚晚飲酒食火鍋，明早去睇醫生。